Initiativbewerbung
Bock uf Schrube, Öl und ächti Technik?

Du hocksch ned gärn im Büro – besch lieber mittedrin?
Zwüsche Werkzüg, Hydraulikzylinder und Maschine, wo richtig Druck mache?

Denn les witer - oder no besser: Mach grad de erschti Schritt zu dim neue Job als

Eierlegendi Wollmilchsau i de Werchstatt


Mer bi Schenker Hydraulik sueche laufend Schruber, Mechaniker oder Hydrauliker, wo metdänke, apacke ond öppis wend bewege.

Du muesch kei Vollprofi si – aber wenn du...

  • gärn a de Mechanik omeschrubsch
  • scho mou Hydrauliköl a de Finger gha hesch
  • vilicht au dräie, fräse oder schweisse chasch
  • Technik mega spannend fendsch
  • offe besch für öppis Nöis z’ lehre
  • und au gern mal zum Chund gohsch und vor Ort schrubsch

…denn chönt das rächt guet passe!

Was di erwartet?

Sicher kei Langwili! Bi eus esch praktisch jede Tag andersch.
Einisch repariersch öppis, mal bausch öppis Nöis, mal besch unterwägs. Und das imene Team, wo sich super verstoht – ned nur bim Schaffe. Bi eus stönd die Mitarbeitende im Mittelpunkt.

Tönt guet?

Uf was wartisch no? Chom a Bord und bewäg öppis Grosses!
Und hey: Es Ahschriebe bruche mer ned, drum los grad wäg.
Schick eus eifach din Läbenslauf und zeig eus, wär du bisch.

Froge? De Daniel Sommer hilft der gärn witer:

img 7598
Geschäftsführer

Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein.
062 857 35 00

Impressionen Team-Events

Schenker Hydraulik AG – persönlich / engagiert